150 сая жилийн өмнөх үлэг гүрвэлийн ясыг нэг сая доллароор худалдана

Ж.Ариунгэрэл

Анд нөхдийн мэдээ

2023-09-26

1990 онд АНУ-ын Вайоминг мужид олдсон үлэг гүрвэлийн араг ясыг ирэх аравдугаар сард Парист болох дуудлага худалаагаар худалдахаар зэхэж байгаа талаар euronews.com өнөөдөр мэдээллээ. Маш сайн хадгалагдсан үүн шиг араг яс зах зээлд гарах нь ховор бөгөөд наад зах нь нэг сая долларын үнэ хүрнэ хэмээн мэргэжилтнүүд үзэж байна. Юрийн галавын үе буюу 150 сая жилийн өмнө байсан камптозаврын төрлийн энэ үлэг гүрвэлийн ясны өндөр нь 2.1, урт нь таван метр юм. Палеонтологич Барри Жэймсийн хийсэн малтлагаар олдсон тул “Барри” хэмээн нэрлэгдсэн уг үлэг гүрвэлийн гавлын яс 90 хувь, үлдсэн хэсэг нь 80 хувьтай хадгалагдсан байна. Эртний амьтдын үлдэгдлийг сэргээн судалдаг Италийн “Zoic” лаборатори уг ясыг өнгөрсөн онд худалдан авсан бөгөөд Францын “Hotel Drouot” компани дуудлагаар худалдана.