Сэлбэ дэд төв байгуулах газрын 80 хувийг чөлөөлжээ
Чингэлтэй дүүргийн 14, 18 дугаар хороо, Сүхбаатар дүүргийн 14 дүгээр хорооны нутаг дэвсгэрийн гэр хорооллыг орон сууцжуулах Сэлбэ дэд төвийн төслийн хүрээнд газар чөлөөлөх ажлын явц 80 гаруй хувьд хүрснийг НЗДТГ-аас мэдээллээ. Нийтдээ 10063 айлын 113 блок орон сууц барих 158 га талбайд 1690 айлтай нөхөн олговрын гэрээ байгуулснаас 1664 айлын нөхөн олговрыг олгоод байгаа ажээ. Ингэхдээ 0.07 га газрын төлбөрт дээд тал нь 204 сая төгрөг олгоод байна. Хэмжээгээр III, IV хорооллын бүтээн байгуулалтаас том байх энэ төслийн явцад одоогоор 1252 нэгж талбарыг цэвэрлэж ариутгасан бөгөөд барилга угсралтын ажлыг эхлэхээс өмнө хөрсний ус зайлуулах зураг төслийг хийж, цахилгаан дамжуулах агаарын шугам буулгах, трасс шилжүүлэх бэлтгэлийг хийж байна. Сэлбэ дэд төвийн гэр хорооллыг орон сууцжуулах төслийн хүрээнд гурван блок сургууль, таван блок цэцэрлэг, 100 ортой эмнэлэг, 47.530 ам метр талбайд авто зогсоол, 152.650 ам метр талбайд худалдаа, үзвэр үйлчилгээ, оффисын зориулалттай барилга, спорт цогцолбор, ногоон байгууламж, авто болон дугуйн зам болон явган хүний зам байгуулах юм. Улаанбаатар хотод цогцолбор орон сууцны нийт талбайн 60 хувь барилга байгууламж, 40 хувь нь ногоон байгууламжаас бүрдэхээр хуульчилсныг Сэлбэ дэд төвд загвар болгон хэрэгжүүлэх юм.
Гэрэл зургийн эх сурвалж: НЗДТГ
ТӨСТЭЙ МЭДЭЭ
“Тэхийн зогсоол”-ыг чөлөөлөв
2024-12-02
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.