“Шүгэл” ажиллагааны хүрээнд иргэдээс мэдээлэл авна

Duuren.Life

Чихэнд чимэгтэй

2023-03-09

Засгийн газраас авлигатай тэмцэхээр зохион байгуулж буй таван "Ш" үйл ажиллагааны “Шүгэл” ажиллагааны хүрээнд иргэдээс мэдээлэл авахаар болжээ. “Шүгэл” ажиллагаа нь авлигатай тэмцэхэд олон нийтийн оролцоог бий болгох зорилготой бөгөөд ажлын хэсгийн ахлагч нь Хууль зүй, Дотоод хэргийн дэд сайд Б.Солонго юм. Түүний өнөөдөр сэтгүүлчдэд мэдээлснээр иргэдийн мэдээллийг 1111 дугаарын утас, ажлын хэсгийн гишүүдийн цахим хаяг, цахим сүлжээнд нээх “Шүгэл” хуудсаар авах гэнэ. Мэдээлэл өгөгчийн аюулгүй байдал, нууцлалыг хангахаа тэрбээр мөн мэдэгдлээ. Гуравдугаар сарын 15-нд эхлэх УИХ-ын хаврын чуулганаар Шүгэл үлээгчийн эрх зүйн байдлын тухай хуулийг хэлэлцэх юм.