Цэргийн баярыг монголчууд хэзээнээс тэмдэглэж эхэлсэн бэ?
Өнөөдөр улс даяар өргөн дэлгэр тэмдэглэж буй Монгол цэргийн өдөр буюу нийтэд хэлж заншсанаар Цэргийн баяр анх хэзээ үүссэн, хэрхэн албан ёсны баяр болсныг илтгэх баримтыг толилуулж байна. Сийрүүлэхдээ уг эх бичвэрийг хэвээр хадгалсан, үг үсгийн болон бусад ямар нэгэн завсар хийгээгүй болно.
БҮГД НАЙРАМДАХ МОНГОЛ АРД УЛСЫН БАГА ХУРЛЫН ТЭРГҮҮЛЭГЧДИЙН 1946 ОНЫ 4 ДҮГЭЭР САРЫН 25 НЫ ӨДӨР ХУРАЛДСАН 32 ДУГААР ХУРЛЫН ТОГТООЛ
Монгол ардын хувьсгалт цэргийн баярын өдрийн тогтоох тухай.
Цэргийн яамны сайд, бүх цэргийн жанжин нөхөр Чойбалсангаас Монгол ардын хувьсгалт цэргийн баярын өдрийг тусгай тогтоон явуулхыг хүсэн ирснийг хэлэлцээд:
Улсын бага хурлын тэргүүлэгчдээс тогтоох нь .
1/ 1921 оны 3 дугаар сарын 18 ны өдөр Монгол Ардын Хувьсгалт цэрэг нь Монгол Ардын Хувьгалын голомт Хиагт ( Одоогийн Алтан-Булаг) хотыг чөлөөлж анхадугаар ялалтаа байгуулсан учир энэ өдрийг Хувьсгалт цэргийн баярын өдөр болгож жил бүр Улс нийтээр ёслон өнгөрүүлж байсyгай.
2/ Жил бүрийн 3 дугаар сарын 18 ны өдрийг цэргийн бүх албан хаагчдын амралтын өдөр болгосугай.
3/ Монгол Ардын Хувьсгалт цэргийн 25 жилийн ойг 1946 оны 7 дугаар сарын 11 нд болох хувьсгалын 25 жилийн ойн баярын өдөртөй хамтатган явуулж, 1947 оноос эхлэн дараагийн жилүүдэд цэргийн ойн баярыг энэ тогтоолоор заасан тусгай өдөр нь ёслон өнгөрүүлж байсугай.
УЛСЫН БАГА ХУРЛЫН ТЭРГҮҮЛЭГЧДИЙН ДАРГА БУМЦЭНД
УЛСЫН БАГА ХУРЛЫН ТЭРГҮҮЛЭГЧДИЙН НАРИЙН БИЧГИЙН ДАРГА БАЯР
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.